Chakan Accident | खेड तालुक्यातील चाकण येथे संग्रामदुर्ग किल्ल्याच्या खोल खंदकात रिक्षा कोसळली; चालक जखमी
अपघातात रिक्षा चालक गंभीर जखमी ; सुदैवाने या घटनेत मोठी जीवितहानी टळली
Mahavartalive
Mar 27, 2026
महावार्ता लाईव्ह | खेड तालुक्यातील चाकण परिसरातील ऐतिहासिक संग्रामदुर्ग किल्ल्याच्या सभोवतालच्या खोल खंदकात एक रिक्षा कोसळल्याची धक्कादायक घटना समोर आली आहे. या अपघातात रिक्षा चालक गंभीर जखमी झाला असून, त्याला तातडीने उपचारासाठी रुग्णालयात दाखल करण्यात आले आहे. सुदैवाने या घटनेत मोठी जीवितहानी टळली आहे.
मिळालेल्या माहितीनुसार, रिक्षा चालक चालवत असताना अचानक त्याचे वाहनावरील नियंत्रण सुटले आणि रिक्षा थेट किल्ल्याच्या खोल खंदकात कोसळली. खंदकाची खोली आणि भौगोलिक रचना लक्षात घेता ही घटना अत्यंत धोकादायक ठरली असती.
स्थानिक नागरिकांनी तातडीने मदत केली. त्यांच्या सहकार्याने आणि क्रेनच्या साहाय्याने रिक्षा खंदकातून बाहेर काढण्यात आली. यात रिक्षा चालक गंभीर जखमी झाले असून, त्याच्यावर स्थानिक रुग्णालयात उपचार सुरू आहेत.
या घटनेनंतर संग्रामदुर्ग किल्ल्याच्या परिसरात नागरिकांची मोठी गर्दी झाली होती. अनेक जण घटनास्थळी जमा झाले आणि अपघाताचे कारण जाणून घेण्याचा प्रयत्न करत होते. स्थानिक प्रशासनाने तातडीने घटनेची दखल घेतली असून, अधिक तपास सुरू केला आहे.
